Magdadapit hapon na nang makabalik siya sa bahay. Sandali pa siyang nagtaka kung bakit may nakaparadang isang pulang sasakyan sa labas ng bakuran ng bahay ng kasintahan. Ang buong akala niya ay naki-park lang ang may ari ng sasakyan na iyon doon kaya hindi niya na rin iyon pinansin at diretso nang binuksan ang gate para makapasok na sa loob. Nang maiparada na ang motorsiklo sa parking spot na inilaan ni Copper para dito ay pumihit siya upang balikan at isarado ang gate. Nang pagharap niya doon ay medyo nagulat nang makita ang isang babae na nakapasok na rin sa loob ng bakuran.
“So, ikaw pala ang bagong kinakasama ngayon ni Copper? Ang ipinalit sa akin ng ex-boyfriend ko?” mula ulo hanggang paa at pataas ulit sa ulo ay hinagod nito ng tingin si Deyanira. Tila nang-iinsulto din itong nagpa
