Sa mga nagdaang araw ay naging abala si Copper sa pagtugis sa bumaligtad na tauhan na si Lucio, dagdag pa sa dalawang lalaking nahuli nitong nag-uusap sa event ng mga Mafia na dinaluhan noong nakaraan. Madalas ay maaga itong umaalis at gabing gabi na umuuwi. Hindi rin naman makapagreklamo si Deyanira dahil ganoon din ang sitwasyon nito ngayon. Naging busy din ito sa pag-aasikaso sa kaso ng mga nakagisnang magulang. Ilang araw din itong paulit ulit na uma-attend sa paglilitis sa kaso ni Mang Bert. Ang masama pa, mukhang hindi niya ito maipapakulong ng lubusan dahil wala namang iba pang nagrereklamo at nagdidin dito maliban sa kanya. Siya na wala naman talagang malakas na ebidensyang hawak. Ang pulis na nagtago at nagpanggap na patay na sa loob ng maraming taon ay hindi pa rin niya makumbin
