Umalis si Mr. Jaenn kasi may kailangan daw na asikasuhin sa kompanya kaya kaming dalawa ni Jenny na lang ang naiwan dito. Nandito pa rin naman sina Myca at Rena. Nandito lang din si Rose, hindi kasi siya pinasama ni Mr. Jaenn.
Hindi naman siya lumalabas ng kwarto niya. Nagbabasa lang din kami ni Jenny sa garden. Sinigurado kong malayo kami sa mga bulaklak. Naglatag din kami ng tela para higaan namin. Hindi naman masyadog mainit dito sa likod ng bahay.
Medyo may hangin din namang dumadaloy. Nagpahatid na lang din ako kay Myca ng pagkain namin dahil masyadong seryoso si Jenny sa pagbabasa. Alam kong gusto ni Jenny na mag-aral pero sakitin daw kasi kaya hindi pinayagan ni Mr. Jaenn.
Pwede namang homeschooled lang si Jenny pero siguro sa susunod na taon na raw. Hindi pa muna sa ngayon. “
