Dumating ang si Ma'am Jeya na ina ni Mr. Jaenn. Akala ko ay makikipag-away na naman ito sa anak niya pero hindi dahil umalis ito kasama si Rose. Kinuha niya lang si Rose.
May kasamang medyo may katandaan na silang babae. Base sa reaksyon ni Mr. Jaenn ay ina ito ni Rose. Mayaman pala talaga si Rose dahil mayaman ang ina niya. Magarang damit at magarang sasakyan.
"Bakit naman siya magtatrabaho bilang secretary ni Mr. Jaenn kung mayaman naman pala sila?" takang tanong ni Ate Tess. Iyon din ang pinagtataka ko pero ayaw kong magtanong nang kung ano kay Mr. Jaenn tungkol sa bagay na iyan.
"Baka gusto lang ng experience," sagot ko na lang kay Ate Tess. Kita ko ang pagtaas ng kilay niya sa naging sagot ko.
"Ang plastic mo, alam ko namang kating-kati ka na ring malaman ang tungkol sa buhay ng b
