Pinilit kong pigilan ang iyak ko at sinundan siya pero hindi ko na siya nakita. Narinig ko na lang ang maingay na tunog ng sasakyan niya. Napaupo ako sa sahig habang nakatanaw sa sasakyan ni Mr. Jaenn.
"Anong nangyari?" takang tanong sa akin ni Ate Tess pero hindi ko siya sinagot at mabilis na pumasok sa loob ng kwarto ni Mr. Jaenn at nagkulong.
Sabi niya mahal niya ako? B-bakit hindi niya ako magawang ipaglaban? Bakit parang ayaw niya akong ipaglaban kung wala naman siyang nararamdaman kay Rose?
Nagkulong lang ako sa kwarto ni Mr. Jaenn buong gabi. Umaasa na bumalik siya at sabihin hindi niya sinasadya ang sinabi niya kanina. Naghatid lang si Ate Tess ng pagkain sa akin kanina.
Kinain ko iyon dahil ayaw kong magutom ang anak ko dahil lang sa ayaw kong kumain. Kailangan kong kumain par
