Maaga akong ginising ni Mr. Jaenn. Natulog siya sa kwarto ko dahil ayaw kong matulog sa kwarto niya. May lalakarin daw kami kaya naligo na ako dahil umali na siya ng kwarto ko para maligo na rin.
“Saan ba tayo pupunta?” tanong ko sa kaniya. Inaantok pa ako dahil halos hindi niya ako pinatulog kagabi. Nakabihis na ako at gan’un din siya. Mukhang kami pa yata ang gising sa oras na ‘to. Pero nakita ko ang pagsilip ni Myca sa amin.
Siguro narinig niya akong nagsalita. Seryosong tingin lang ang binigay ni Mr. Jaenn sa akin. “You don’t want to come with me?” may bahid ng lungkot na tanong niya sa akin. Bumagsak ang tingin niya sa sahig at hindi ako tiningnan.
Gusto kong umirap sa kaniya. Umupo na lang ako sa sofa, inaantok pa talaga ako. Hindi ko alam kung bakit ang aga niya akong gisingin
