Sabi ni Allen ay pupunta na kami ngayon sa hospital. Magpapa-check up na pero sabi niya ay dadaanan lang daw muna kami sa bahay ni Mr. Jaenn. Saglit lang daw.
Hindi na ako nakatanggi dahil gusto ko ring masilayan man lang sila kahit na nasa loob lang ako ng sasakyan. Hindi naman daw sasabihin ni Allen na kasama niya ako. Wala naman din daw nakakaalam na magkasama kami sa isang bahay.
Nandito na kami sa bahay ni Mr. Jaenn. Kinakabahan ako nang lumabas na si Allen. Tinted naman ang sasakyan niya at hindi naman kita ang loob kaya kampante pa rin akong nakaupo sa upuan.
Una kong natanaw si Jenny na naglalakad. Nakasunod sa kaniya si Ate Tess. Lumingon siya bigla sa gawi ko at nagtagal ang titig niya sa kotse ni Allen.
"Jenny..." mahinang sambit ko sa pangalan niya. Malungkot pa rin ang mga
