“SO, THIS is the place where you grew up,” kaswal na sabi ni Julliana kay Benjamin habang inililibot niya ang tingin sa loob ng malaking bahay na kinaroroonan nila. Nasa sala sila sa second floor. Elegante ang bahay at lahat yata ng mga gamit doon ay mamahalin. Doon sila maghahapunan na mag-ina para maiba naman daw.
“You like our place?” tanong nito sa kanya.
Tumango siya. Ilang sandali niyang pinagmasdan ang life-size portrait nito at ng daddy nito bago uli niya ito nilingon. “Ang laki at ang ganda ng bahay n’yo, Benj. Ang yaman n’yo talaga.”
Tumawa ito nang marahan. “Mayaman ang pinanggalingang pamilya ni Daddy at siya ang solong tagapagmana.”
Tumango-tango siya. Alam na niya ang kuwento ng buhay nito. Hindi nito inilihim sa kanya na inampon lamang ito ng kinikilalang ama nito. Na
