NAPUTOL ang paglalakbay ng aking isipan nang biglang bumungad sa harapan ko si sir Luke. Kunot na kunot ang noo niya at nahuhulaan ko nang hindi maganda ang kaniyang mood.
“Have you submitted the document to Mr. Capote?” tanong niya sa akin. Napasinghap ako nang maalala ang utos niya na iyon. Hindi ako agad nakaimik habang mataman siyang nakatingin sa akin. I guess he already knew the answer to his question. Sh*t! Paanong nalimutan ko ang utos niyang iyon?
“I…I’m sorry sir. I…I'll send it to him right away,” sagot ko habang mabilis na binuklat ang file na ipapadala ko sa client namin. Sa sulok ng mga mata ko ay nakita ko si Miss Monica na napapailing habang nakamasid din sa akin. Iniwasan ko naman ang mga mata ni Sir Luke. Kahit hindi ko siya tingnan ay nahuhulaan ko nang galit na siya.
