WALA sa loob na napahilot ako sa sintido. Sumasakit na ang ulo ko sa dami ng problema sa clickIT at abala din ako sa kompanya dahil may bago akong proposal na sinang-ayunan ng board members kahapon. Ngunit imbes na magtrabaho ay kausap ko si Mommy at inuubos ang oras sa pagpapayo sa kaniya na alam ko namang hindi niya susundin.
“Hindi umuwi ang Daddy mo kagabi! Nararamdaman ko, may bago na naman siyang kinalolokohan! Son, please call your Dad. Ang sabi niya ay magbabago na siya.” Umiiyak na naman siya sa kabilang linya.
“Mom, sinabihan ka na namin noon pa, stop chasing after him—”
“What?! Daddy mo siya! At asawa niya ako. Hindi ako papayag na masira ang ating pamilya! Mas lalo lang siyang matutuwa! Hindi kami maghihiwalay!”
“What’s the point Mom? Magkasama nga kayo pero parang hindi na
