NARIRINIG ko ang pagtawag sa akin ni Max. Tumayo siya at iniwan ang mga kasama para habulin ako pero hindi ako tumigil sa pagtakbo.
“Max! Where are you going? Come back here!” malakas na tawag sa kaniya ni Madam Lucia.
“Angel? Ano bang nangyayari?” buong pagtatakang tanong sa akin nila nanay at ate nang salubungin ako. Batid kong namumutla na ako at nagbabadya nang kumawala ang aking mga luha.
“N-Nay, umalis na tayo dito, s-sa bahay na lang tayo kumain,” sagot ko.
“Ha? Bakit? At saka sino ba ‘yon?” usisa pa nila na nilingon si Max.
“Basta ‘Nay! Umalis na tayo!”
Hindi na sila nag-usisa pa. Sinabayan na lang nila ako sa paglalakad at hindi ko na rin narinig pa ang pagtawag sa akin ni Max. Siguro ay napigilan na rin siya ng pamilya niya. Dumiretso na kami palabas ng mall patungo sa saka
