BUSANGOT ang mukha ni Stan nang magising kinabukasan. Kailangan niyang magreport sa kapitolyo dahil dumating si Sen. Dominguez kanina. Malaki rin ang tulong sa kanya ng dating kaklase kaya ngayon ay tutulungan niya rin ito. Nakiramay rin ito sa burol ng ama niya sa Maynila.
Hawak niya ang phone upang tawagan ang secretary niya ngunit sa pagbukas pa lang niya ng pinto ay isang dos por dos ang bumulaga sa kanya. Mabilis siyang nakailag pero ang phone niya tumalsik.
“What the—”
“Napakasama mo talaga papatayin kita!” malakas na sigaw ng asawa niya. Nagulat siya kung anong nangyari at dahil sa pagtataka niya ay hindi na siya nakailag nang tamaan siya muli sa balikat.
“f**k!” napamura na lang siya. Masakit rin ang tama, muli siyang hinampas at hinayaan niya ang asawa.
“Dapat sa ‘yo hin
