"Let's divorce."
Halos huminto sa pagtibok ang puso ko sa sinabi niya. Hindi ako makagalaw. Kahit makapagsalita ay hindi ko magawa. Para akong tinanggalan ng hininga sa bawat salita na binitawan niya. Pati pag kurap ng mga mata ko hindi ko magawa. Nanatili nakatingin sa kan'ya habang unti unting winawasak ang kalooblooban ko.
"Let's divorce, Cara."
Parang may kung anong mga pakong paulit ulit na tumutusok sa dibdib ko nang ulitin niya iyon. Napalunok pa ako ng ilang beses para magawang gumalaw at mag salita.
Umiling ako at pilit na ngumiti para itago ang sakit na nararamdaman. "M-may nagawa ba ako? Okay naman tayo diba?" halos mabasag ang boses ko. Ni hindi ko magawang kumurap dahil natatakot akong pagka kumurap ako tuloyan ng mahulog ang mga luha ko.
Gusto kong hilain ako ng mga oras
