TULALA akong kumakain habang pinag mamasdan si Hannah na kasabay naming kumain. Walang kasing tamis ang ngiti niya sa labi niya.
Paano niya nagagawang ngumiti sa sitwasyon namin? Gusto ko siyang palakpakan. Ang galing niyang mag panggap na parang ayos lang ang lahat.
Napabuntong hininga ako at nilipat ang tingin kay Harvey na tahimik lamang na kumakain. Simula ng umalis siya at bumalik kasama si Hannah ay hindi pa kami nakakapag usap. Randam kong iniiwasan niya ako. Ni hindi niya ako magawang tingnan. Ilang beses akong nagtangkang lapitan at kausapin siya pero umiiwas ito. Bumalik na rin sa dati ang lahat hindi na rin kami mag katabing matulog. Minsan ko siyang naabutang natutulog sa sofa doon sa sala. Samantalang si Hannah sa guest room siya natutulog.
Isang linggo ng ganito ang sitwa
