Nang matapos kaming mag-usap ni Mama, tinawagan ko kaagad si Romir at sinabi kong gising na ang kanyang ina, nagsinungaling pa ako nang sabihin kong hinahanap siya nito.
Pagkarating niya sa hospital ay agad din akong nagpaalam para umuwi, hindi pa nakauwi galing sa school si Rovi kaya sinamantala ko na ang pagkakataon. Inutusan ko si Manang Minda na pumunta ng palengke at pinapabili ko siya ng isang bagay na mahirap hanapin para matagalan siya ng uwi.
Nang nakaalis na si Manang, dali-dali naman akong nag-empake habang uniiyak. Masakit isipin na sa ganitong sitwasyon matatapos ang anumang mayroon kami ni Romir. Kahit ayaw ko, kahit masakit, gagawin ko pa rin kung ito lang ang tanging paraan para hindi na mahihirapan si Mama lalo na si Romir. Hindi naman sana nila nararanasan ang lahat n
