"Mahal kita, Romir," umaagos ang mga luhang nasambit ko habang nakatitig ako sa mukha ng asawa ko na natutulog na nang mahimbing.
Napatingin ako sa kamay ko nang bigla itong hawakan ni Romir. Nang tingnan ko siya sa mukha ay nakita kong nakamulat na pala ang kanyang mga mata at kasalukuyan nang nakatingin sa akin. Dahan-dahan niyang iniangat ang kamay niyang nakahawak sa kamay ko at ang pisngi ko naman ang kanyang hinawakan.
"Huwag mo'kong iwan dahil hindi ko kayang mawala ka," sabi niya sa mahinang boses na siyang lalong nagpaiyak sa akin.
"Hindi kita iiwan, pangako," umiiyak kong sabi na may pailing-iling pang kasabay. Dahan-dahan akong umusod palapit sa kanya at isiniksik ko ang aking sarili sa katawan niya. Naramdaman ko naman ang paghalik niya sa noo ko saka niya ako niyakap.
"A
