Santana’s POV
Nasa harapan ko ang bag ni Alaya, nanginginig ang mga kamay ko habang binubuksan ito. Alam kong nasa loob nito ang mga ebidensyang magpapabagsak sa kanya. Ilang buwan na akong nagplano para sa sandaling ito at sa wakas, nasa akin na ang hinahanap ko.
Pero kasabay ng pag-aasam na madurog siya, nararamdaman ko rin ang bigat ng responsibilidad. Hindi basta-basta ang mga dokumentong ito. Kaya nitong sirain hindi lang ang buhay ni Alaya kundi pati na rin ang maraming taong kasangkot sa kasalanan niya.
Pumikit ako nang saglit, nakangiti ako kasi alam kong malapit ko na rin siyang pagbayarin. Pero hindi ko rin maiwasang maramdaman ang pangamba. Paano kung may mali akong magawa? Paano kung may makaalam sa ginawa ko at habulin ako? Ngunit sa puntong ito, alam kong wala nang atra
