Santana’s POV
May photoshoot ako today para sa mga standy na ilalagay ko sa mga cake shop ko. Maaga akong gumising para gumayak. Si Reon, tulog pa nung bumangon ako kasi puyat siya sa pag-e-edit ng mga vlog niya. Hindi ko na tuloy siya inistorbo kasi alam kong kailangan niyang makabawi ng tulog.
Pagkaligo at pagkagayak ko, tumuloy na ako sa dining area. Mabuti na lang at ready na ang umagahan ko. Nakita ko sa sala si Luis kaya tinawag ko na siya para sabayan akong kumain ng almusal. Siya kasi ang magiging driver ko ngayong araw kasi wala ‘yung mga driver ko. Sabay pa silang nagkasakit. Mabuti na lang at nandito siya.
“Ako ang nagluto ng ibang ulam ngayong umaga kaya medyo umay ako,” sagot niya pero naupo pa rin siya sa hapagkainan.
“Magtinapay o magkape ka na lang para may laman ang ti
