ERINA’S POV
KANINA KO PO HINIHINTAY ANG PAGDATING NI DOK SEBASTIAN. Gusto ko lang naman makapagpasalamat sa lalaking binigyan ng katuparan ang isa sa hiling ko na naging simbolo ng aking pag-asa. Noong sinabi ko kay Nurse Joy na nanghihina ako ay totoo iyon. Maaaring dahil nga sa palagi kong paghiga pero ganoon ba talaga iyon na halos nahihirapan ako sa paghinga?
Subalit dahil sa nakausap ko na sina Mommy at Daddy ay agad kong naramdaman ang kakaibang sigla sa aking katawan. Sana lang ay matapos na ang lahat at magawa ko ng makalabas ng hospital. Ewan ko pero noon ko lang yata napagtanto ang kahalagahan ng buhay. Kung kailan pakiramdam mo ay huling sandali mo na ay saka mo lang gustong mabuhay ng matagal.
Nakakagaan sa pakiramdam na may mga taong naghihintay sa akin na makalabas ng hosp
