STEPHANIE
Pinaskil ko muna ang ngiti sa labi ko bago pumihit paharap sa kanya. Nagsalubong ang kilay niya nang makita ang ekspresyon ng mukha ko.
“That’s great! I’m happy for you,” sabi ko at muling tumalikod sa kanya.
“Happy? Are you really sure about that?” Sumunod pala siya sa akin.
Kumuha ako ng tubig sa refrigerator at nagsalin sa baso. “Oo. Para naman mabawasan iyang kasungitan mo. Baka kaya ka masungit dahil nakipaghiwalay sa ‘yo ang girlfriend mo,” sabi ko, na parang hindi ako apektado sa mga lumalabas sa bibig ko.
Uminom ako ng tubig para maiwasan ang posibleng makita niya sa mukha ko. Ayokong isipin niyang apektado ako.
“Hindi siya nakipaghiwalay, SJ. Iniwan niya ako ng walang paalam.”
Natigilan akong lumagok ng tubig. Dahan-dahan kong binaba ang baso sa marmol na mesa
