Nang makalapag ang helicopter sa taas ng building ay kaagad akong bumaba. Kasama ang dalawang kasambahay na maingat na binubuhat ang aking kambal. Sinisilip ko sila at napapangiti kapag napapansin ang mahimbing nilang pagtulog.
“Si Zav?” Inaasahan ko na sasalubungin kami ni Zavian ngunit wala siya rito. Tanging dalawang lalaking nakauniporme lang na naka-shades ang sumalubong sa amin.
“Hindi po makakapunta si Sir Zav, ma’am. May inaasikaso lang po pero pinagbilin niya po na dalhin ka na namin sa tutuluyan ninyong bahay. Mahaba-haba rin po ang byahe. Tara na po?” sabi ni Derrick sa akin at iminuwetsra ang papasok ng building upang makaalis na kami rito.
Tumulong ang dalawang bodyguards na sumalubong sa amin sa pagbibitbit ng mga gamit na dala namin. Tahimik pa rin na natutulog ang kambal
