Si Xavier Velasquez ay isang matalino, at gwapo na IT student. Isang araw, nagbago ang lahat nang makatagpo niya ang isang matandang babae na tinulungan niya sa gitna ng hindi inaasahang pangyayari. Bilang kapalit ng kanyang kabutihan, iniabot ng matanda ang isang lumang orasan—isang bagay na tila ordinaryo lamang sa unang tingin. Ngunit sa likod ng itsura nito ay isang lihim na hindi niya kailanman inasahan, Ito pala ang susi upang maglakbay sa panahon. Napadpad si Xavier sa nakaraan… sa panahong buhay pa ang kanyang ama. Habang unti-unting lumalalim ang misteryo ng orasan, isang desisyon ang haharapin ni Xavier sa nakaraan kung saan susundin ba niya ang kanyang hangaring baguhin ang kapalaran ng kanyang ama, o tatanggapin ang katotohanang may mga sugat ng nakaraan na hindi dapat binabago na magdudulot ng epekto sa kasalukuyan.

Si Xiatros De Villa ay kilalang tagapagmana ng kanilang pamilya. Ngunit, sa kabila ng kanyang tinatamasa sa buhay ay hindi niya aakalain na mahuhulog siya sa isang simpleng babae na ang hilig ay magpinta. Si Ellisa, ang una niyang naging kasintahan at gusto niyang makasama sa buhay. Sa araw ng kanilang unang anniversary, ipinagdiwang nila ito sa isang tahimik na campsite, kung saan saksi ang mga bituin sa unang halik na binitawan ni Ellisa kay Xiatros. Ang masasayang pangyayari ay nagtuloy-tuloy pa hanggang sa mag Propose si Xiatros kay Ellisa mula sa itaas ng Ferris wheel. Kasabay nito, daan-daan na drone ang lumipad mula sa kalangitan—bumuo ito ng mga ilaw na unti-unting naging mga salitang… “Will you marry me?” At sa pangyayari na ito, tinanggap ni Ellisa ang kanyang alok. Naging ganap rin ang kanilang pag-iisang dibdib—isang pagmamahalan na akala ng lahat ay perpekto at walang hanggan. Subalit, hindi lahat ng kuwento ay may masayang wakas. Dulot ng isang trahedyang hindi niya inaasahan, nawala ang nag-iisang babaeng minahal niya. Paano haharapin ang bukas, kung ang taong dahilan ng lahat ay wala na? Ito ang pagsisimula ng kuwento na akala ng lahat ay may happy ang ending ngunit ang totoo ay puno ng pighati na dulot ng masamang pangyayari.