Simple lang naman ang gustong buhay ni Lena Madrigal. Isang maginhawa at buong pamilya. Akala niya ay maaasam niya na ito pero nagkamali siya. Ang isang tao na akala niyang bubuo sa kaniya, ay siya palang sisirang lalo sa pagkatao niya. Ngunit, isang bagay ang bumabagabag sa kaniya. Isang bagay na alam niyang magiging sapat na rason upang kalimutan ang lahat. Mahal niya ang lalaki, at ito ang nananatiling rason kung bakit hindi siya matahimik. Handa niya bang kalimutan ang lahat kasama ang lalaking bumuo sa pagkatao na pinakaayaw niya sa lahat? O tuluyan niya nang kalilimutan ang nangyari at uusbong nang mag-isa?

Si Cassian ay nangarap lamang ng isang magandang buhay kasama ang babaeng pinakamamahal niya, hanggang sa dumating ang araw na hindi na sila puwedeng magkita pa dahil ang babaeng kaniyang iniibig ay isang anghel. At ang pag-ibig sa isang anghel ay mahigpit na ipinagbabawal. Sa kagustuhang mabawi ni Cassian si Camiell ay inialay niya ang kaniyang kaluluwa kay Satanas at sa pamamagitan nito ay naging isa siyang ganap na demonyo. Wala siyang maisip na ibang paraan kundi ang wasakin ang mundo. Hanggang sa dumating si Cassiel - ang kaisa-isang babaeng nakakakita sa kaniya. Nagsimulang gumana ang kaniyang kuryosidad dahil wala ni isang tao ang makakakita sa kaniya, depende kung gugustuhin niyang magpakita at kung hindi tao ang nilalang na 'yon. Nagsimula siyang makaisip ng paraan at sa mga planong naisip niya ay kasama si Cassiel. Napag-isipan niyang gagamitin niya ang babae upang makamit at magtagumpay ang lahat ng plano niya. Ngunit, paano kung nag-iba bigla ang takbo ng mundo? Paano kung ang puso niya'y biglang nag-iba ng direksyon? Ipagpapatuloy niya pa rin ba ang pagsira ng mundo?

Naniniwala si Hellia Mary Celestia na ang pagmamahal ay isang kathang-isip lang na binuo ng mga tao upang makasakit at sumaya dahil sa napakalungkot na mundong mayro'n tayo. Naniniwala siya na kung hindi ka magiging masaya, wala ring rason para maging malungkot ka. Marami siyang pinaniniwalaan na mga bagay hanggang sa, siya mismo ang tumibag sa pader na binuo niya. Nang makilala niya si Fire Aldous Lazarby, nagbagong bigla ang ihip ng hangin. Sinubukan niya ang lahat para itaboy ang lalaki ngunit sa bawat pagtulak niya rito ay siya ring paglapit niya kay Hell. Isang salita ang hindi niya makalimutan na sinabi ni Fire, at do'n na nagsimula ang lahat. Do'n na nagsimula kung paano niya tibagin ang mga paniniwalang siya mismo ang gumawa.

Ang mga tao'y madalas magkagusto at magmahal sa taong may maganda/guwapong itsura, maganda ang tindig ng katawan, maayos ang katayuan sa buhay at higit sa lahat, matino ang pag-iisip. Sino ba naman ang mas gugustuhin ang isang taong may sira sa utak? Karamihan sa atin ay nagmamahal ng isang taong walang problema sa pagdedesisyon, kayang ikontrol ang mga bagay-bagay at walang kahit na anong sagabal. Kung mayro'n man, hindi ganoon kalala. Habang si Coner... nahulog ang kaniyang loob sa isang babaeng, sabihin na lang nating isang baliw — isang babaeng hindi matino kung mag-isip, isang babaeng nasilayan niya lamang sa mental hospital. Nakatatawa hindi ba? Pero, iba na talaga siguro kapag puso ang umiral.

Si Zach mismo ang nag-umpisa ng laro sa pagitan nilang tatlo. Siya mismo ang nagpahamak sa kaniyang sarili. Ang akala niya'y sa pamamagitan ni Zayra ay maibabalik niya sa kaniyang piling ang pinakamamahal niyang babae na si Mageline. Nang una'y umayon ang lahat sa plano ngunit 'di nagtagal, bigla na lamang lumihis ang lahat sa ibang direksyon. Marami siyang nalaman na katotohanan na alam niyang magiging dahilan ng pagkasira nilang lahat. Alam niyang kapag ipinagpatuloy niya pa ang pakikipaglaro kay Zayra ay siya lang din ang mahihirapan. Handa niya pa rin bang sabayan ang laro kahit na alam niyang sakit lang sa puso ang dulot nito? O titigil na lamang siya? Dahil sa patibong na ginawa niya'y siya mismo ang nahulog.