Si Calista FIanel, ang nag-iisang babae sa kanilang pamilya, spoiled brat, puro party lang ang alam. Naka graduate nga siya ng kolehiyo ngunit wala siyang plano sa buhay niya dahil alam niyang kahit di siya magtrabaho, kaya siyang buhayin ng pera ng kanyang pamilya. Hanggang sa nakagawa siya ng isang pagkakamali. Ang pagkakamaling iyon ang tumulak sa pamilya niya na ipadala siya sa isang malayong lugar. Sa Hacienda de Marcelo. Bilang parusa kay Calista, gagawin siyang "assistant" ng tagapagmana ng mga de Marcelo. Hindi siya makapaniwala na kaya itong gawin ng pamilya niya sa kanya. Sino ba naman ang mag-aakala? Ang spoiled brat na prinsesa noon, assistant na ngayon! Ang mas malala pa, mukhang hindi ito magiging madali para sa kanya, dahil bukod sa ayaw niya sa trabaho, ayaw niya rin ang lalaking magiging boss niya. Ganoon rin ang lalaki sa kanya. Kumbaga, ayaw nila sa isa't isa. Pero paano kung masapawan ang galit at inis na nararamdaman nila? Paano kung masapawan ito ng isang damdamin na hindi pa nila nararamdaman noon?