أحببت دون إرادة منى رغم محاولاتى الكثيرة فى الإبتعاد ..فكيف أعشق من يصغرنى بأعوام ..... لكن ماحدث جعلنى أهتز خاصة عندما قابلته بعد سنين ورأيت فى عينيه نظرة العشق لى ولكنى لم أصدق ..وحاولت مرارا وتكرارا الإبتعاد مرة اخرى ولكنه ظل يحاصرنى من كل إتجاه حتى قالها صريحة ...أنتى لى ولن تكونى لغيرى وسأحارب من أجلك الدنيا ..... فهل بالفعل سيوافق الجميع على هذا الإرتباط أم سنجد من العقبات ما يجعلنا نتقهقهر ونتراجع .

اقتباس نظرت إليه بمشاعر مختلطه أهذا الذى تعتبره بمكانةوالدها بل إنه كان أحن عليها من والدها فرغم ثقتها بحب والدها لها الاأنه لم يكن يظهر لها غير القسوه بحجه الخوف عليها ...ولكن لما دائما تصدم فيمن تحب ...فهاهو والد زوجهاالذى أحبته بشده وكأنه والد لها كان هو السبب فيما تعانيه ....لما دائما تصدمها الحياه ...لما دائما تكون هى المفعول به وليس الفاعل .... أخرجها من شرودها صوت والد زوجها وهو يقول بحزن شديد .... _ أسف يا أسمهان مكنتش اعرف ان ده كله هيحصل ،كنت متخيل انه لما يتجوز هيفضل جمبى او على الأقل هيرجع عشان مراته بس .. ....... أكملت أسمهان بإستهزاء وإنكسار ...... -متكملش ياعمو متكملش ....خلاص انا عرفت اللى فيها وعرفت خلاص ان حضرتك اللى أجبرته على الجواز منى .ثم أكملت بإنهيار لم تستطع تفاديه .... -بس لييييه ،لييييه ياعمى كمل جوازه منى وخلانى مراته مدام كده كده ناوى يسيبنى ..لييييه ياعمو هو انا سهله للدرجه دى .... جلست على المقعد بعنف ووضعت يدها على وجهها وهى تبكى وتكمل بصوت ضعيف .... -.انا كنت بحسبه هيبقى ليا عوض السنين ياعمو لييييه يعمل كده والله لو كان صارحنى ماكنت زعلت زى مانا مكسوره دلوقت ...... نهض عبد الرحمن من مقعده وعيناه ملئى بالدموع على تلك البريئه الذى ظلمها هو أولا قبل إبنه ... أخذها بين أحضانه وتركها تفرغ ما بداخلها من دموع وآهات تقتل القلب والروح .... قبل رأسها بشده وهو يقول .....وحيات دموعك الغاليه دى لهخليه يطلقك غصب عنه وتعيشى حياتك زى مانتى عايزه ومحدش هيقفله غيرى ....... خرجت أسمهان من أحضانه بهدوء شديد يتنافى مع ثورتها منذ قليل وقالت بصوت مخنوق ولكن به إصرار ...... -انا أسفه ياعمو لو حضرتك جوزته غصب عنه فأنا مش هخلى حضرتك تطلقنى منه غصب عنى ..... صدمه هى ما ارتسمت على ملامح عبد الرحمن وهو يقول ....يعنى إيه .....؟ أسمهان بقوه رغم إنكسارها ....يعنى أسفه انا برفض الطلاق ........ عبد الرحمن وهو مذهول من حديثها يعنى إيه بترفضى الطلاق ..... أجابت أسمهان وهو تكافح دموعها بشده ..... يعنى لأول مره هفكر فى نفسى ،لأول مره هحب نفسى أكتر من غيرى ،لأول مره هبقى أنانيه .... عبد الرحمن بهدوء ...بس انتى عمرك.ماكنتى أنانيه ياسمسمه ولا هتعرفى .قالها ببعض المزاح حتى يخرجها مما هى فيه ...... اجابت عليه بإستهزاء ....ايوه عمرى ماكنت انانيه عشان كده كنت دايما بتظلم ....ثم أكملت وهى تحدثه بحزن ....هو حضرتك متوقع إيه من بابا لما يلاقينى رجعتله بعد كام شهر من جوازى وأنا مطلقه .... .إستطردت وقالت ....اقول لحضرتك أنا ...هيقفل عليا أكتر من الأول بحجة انه خايف عليا ،مش هيسمحلى أشوف الشارع بحجة كلام الناس ،،وفوق ده كله هيجوزنى لأول واحد يخبط الباب بحجة انى مطلقه ،وارجع تاااانى لنفس الدوامه ...أكملت بقوه وتحدى ...يبقى لا ..لازم أكون انانيه وأحب نفسى عشان كده بقول لحضرتك أسفه برفض الطلاق ...........

أحببتك من بين كل الناس ..لم أكن يوما لأستطيع ان أتركك لغيرى مهما كانت الصعوبات .... ليس بيدى شيئا أفعله ....أحبك اليوم وغدا أحبك دوما حبيبتى ...ولن يكون يوما صغر عمرى عنك ببضع سنوات عائقا لحبى الكبير لكى حبيبتى ....

عندما يكون القلب مرهق من شريك العمر لأنه يعلم تمام العلم أنك لاتقدر على الإبتعاد خوفاً من نظرة الناس للمطلقة .....فهو يفعل مايحلو له لأن المجتمع عقيم لا يعاقب الرجل على أى شئ فهو بالأخير رجل ....يصول ويجول فى تجارب من فتاة لأخرى وعند الزواج يبحث عن المهذبة صاحبة اللاخبرة ....ولكن هل سيظل الوضع هكذا ؟!!!!!! أم ستثور تلك الأنثى وتحطم قيود المجتمع وتتمرد وتطلب الطلاق رغم نظرة المجتمع إليها ...... أما هو عندما يجد أنها إنزلقت من بين يديه ولم يقدر أن يحافظ عليها وأوهم نفسه أنه يحتفظ بالماء بين كفيه ولكنه بالفعل تخلل من بين أصابعه ولم يوجد غير بقايا تذكره كم خسر هو ..... فهل سيستطيع أن يرجعها إليه من جديد خاصة أنها أصبحت أنثى أخرى قوية وشرسة ...... فهذا ما سنراه..