Chevy Winkler, ang panganay sa anim na anak ng mafia boss ng Golden Mafia Family ngunit siya ay anak lamang sa labas. Sa kabila ng katotohanang ito, siya pa rin ang napupusuan ng ama na humalili bilang mafia boss ng GMF. Ang desisyon na ito ay hindi mapapayagan at matatanggap ng limang nakababatang mga kapatid ni Chevy. Dahil dito, ipinapatay ng limang magkakapatid si Chevy.Nagluksa ang Winkler family, ngunit lingid sa kanilang kaalaman, si Chevy ay buhay at nasa pangangalaga ng babaeng nagngangalang Fiorella Lopez.Si Fiorella, isang napakaganda, inosente, at napakahinhing tagapagmana. Ngunit ang kaniyang kainosentehan at pagiging mahinhin ay maglalaho dahil ipinambayad siya ng ama sa isang kasalanang kailangang pagbayaran. Ipinambayad siya ng ama kay Ciro Winkler, ang pangalawang kapatid ni Chevy.Sina Chevy at Fiorella ay parehong itinuturing ng patay at iyon ay dahil sa magkakapatid na Winkler. Subalit ang pagkakataong ibinigay kay Fiorella upang mabuhay ay ginamit niya upang maghiganti sa mga Winkler sa pamamagitan ng isang Chevy Winkler na walang maalala kahit ano tungkol sa pagkatao nito...Ngunit sa sandaling magbalik na ang alaala ng tunay na mafia boss ng GMF, kamumuhian nito si Fiorella at gagamitin upang makabalik sa dating buhay at pasasakitan bilang paghihiganti sa paggamit nito sa kaniya noong mga panahong nasa kaniyang kahinaan pa siya...