"You may have flaws, Xian. You may be imperfect, but I swear, you're worthy." Walang hindi magagawa si Annika para sa pamilya. Kaya naman nang manganib ang buhay ng kapatid at nakaambang mawala sa kanila ang Flower Farm na naiwang alaala ng ina, pikit-mata niyang tinanggap ang alok na maging caregiver ng lalaking sagad sa buto ang kasungitan at lubha niyang kinaiinisan ... si Xian Cervantes. Sinumpa niya sa sarili na hinding-hindi siya magkakagusto sa lalaking kasing arogante nito ... bagay na sa huli ay hindi rin niya napanindigan. Hindi niya namalayan na habang mas nakikilala niya si Xian, lumalim rin ang paghahangad niyang mahilom ang mga sugat ng nakaraan na patuloy na nagpapahirap sa binata. Hanggang sa hindi na niya napigilan pa ang tuluyang mahulog dito. Paano nga ba niya tatanggapin ang katotohanang hindi pa ito handang magmahal? Pipigilan niya ba ang nararamdaman para hindi na masaktan? O patuloy pa rin siyang magmamahal kahit alam niyang hindi masusuklian? Written by Skinny Jeanie Copyright © 2020