SERVICE FOR RENTUpdated at Apr 29, 2021, 06:01
Si Sandra Macaraig ay isang probinsyana. Lumuwas siya ng Maynila sa paghahangad ng mas maginhawang buhay. Pero hindi niya lubos akalaing mas mahirap pa pala ang buhay na daratnan niya roon. Ilang buwan pa lamang siya sa Maynila ngunit halos wala na siyang makain at huli na rin sa bayaran sa upa sa tinutuluyan niyang kwarto. Ang kinakaharap na sitwasyon ang nagtulak kay Sandra upang simulan ang Service for Rent. Ito ay isang rental business kung saan serbisyo at oras ng dalaga ang inaalok. Maaari mo siyang rentahan upang bumili ng iyong groceries o maging personal assistant mo, magpanggap na nanay, kapatid, o nobya mo. Ano mang serbisyong kailangan mo, tiyak na kayang-kaya niya iyang ibigay. Ngunit may isang bagay lamang siyang tatanggihan. Ito ay kung ang katawan na niya ang pag-uusapan. Hinding-hindi niya ipagbibili ang sarili sa kalaswaan kailanman. Nangako siya sa sariling ibibigay lamang niya ang sarili sa lalaking mamahalin niya habang buhay. Ngunit tila ba nagbago ang ihip ng hangin ng makilala niya ang bilyonaryong negosyanteng si Leandro Cortez. Binali niya ang sariling paniniwala at tinanggap ang alok ng binata.