Ngayon na maayos na ang relasyon ni Samantha at Alex ay muling nakakaramdam ng pangungulila si Samantha sa hindi niya malamang dahilan. Pakiramdam niya ay may kulang pa sa kanya, na meron pa siyang kailangan alamin at hanapin. Pero paano pagsasabayin ni Samantha ang personal niyang problema sa problema nila ni Alex kung ang isang nakaraan nito ay nagpakita sa kanila sa mansyon na mayroong isang masakit na rebelasyon para magulo ang kanilang nagsisimulang relasyon. At paano pipili si Samantha sa isang desisyon sa pagbabalik ng isang tao na matagal niyang hindi naalala at kukumpleto sa kakulangang nararamdaman niya. Ano ang uunahin niya ngayong alam niya na ang isang katotohanan pero meron siyang kailangang protektahan, ang puso niya o ang taong kailangan siya.

Si Samantha ang nag-iisang anak ng pamilya Madrigal, mula nang mamatay ang kanyang ina mula sa aksidente ay pakiramdam nito ay nag-iisa na siya sa buhay kahit andiyan pa ang kanyang ama. Hindi niya alam kung kailan nagsimula ang madalas nilang pagsasagutan ng kanyang ama, hindi niya matandaan ang isang pangyayari na dahilan ng hindi nila pagkakasundo ng kanyang ama. Mas lalo lang nadagdagan ang galit niya dito dahil sa pagpapalit ng bodyguard niya na hindi niya alam. Si Alex, na parang ang daming nililihim sa sarili at parang may tinatagong galit sa kanya. Paano kung isang araw ay malaman niya na meron ngang tinatago si Alex, ang kanyang ama, at higit sa lahat ang kanyang alaala? Paano niya matatanggap ang isang katotohanan na sa ibang pamilya pala siya nararapat at hindi sa pamilyang Madrigal.