Destiny(Tagalog/Filipino)

"Andrei apo, pakihatid mo nga itong mga gulay diyan sa kabilang baryo. Hindi ko na kasi mailakad itong paa ko at nirarayuma na." sabi ni lola. Magmula ng mamatay sila Nanay at Tatay dahil sa sakit. Si Lola na ang tumayong magulang ko. Nahinto ako sa pag-aaral dahil sa kakulangan sa pera. Maghahanap na lamang ako ng trabaho sa Maynila para matulungan ko si Lola pansamantala. "Sige po lola." kinuha ko na ang isang supot na puno ng iba't ibang gulay. May taniman kaming gulay malapit lang dito sa bahay namin. Dito din kumukuha sila Tatay at Nanay noong nabubuhay pa sila para pagkakitaan. Maayos naman ang buhay namin noon. Kung hindi lang nagkasunod na nagakasakit ang magulang ko. Nagka utang utang kami sa pagpapahospital sa magulang ko. Kaya yung ibang lupain na sinasaka ni Tatay ay nabenta na namin. Kay itong kapiranggot na lupa, ito na lamang ang pinagkakakitaan namin. Nakasalubong ko si Kuya Kael na mukhang papunta sa amin. Napangiti ito ng makita niya ako. Kailan lang niligtas ko siya sa mga taong gustong pumatay sa kanya. Nagkaroon siya ng amnesia kaya hindi niya alam kung sino ang taong naging kasama niya. Buti na lamang nakaalala din naman kaagad si Kuya Mikael. "Kuya Mikael napadalaw ka?" tinapik niya ang balikat ko at niyakap niya ako. "Mayroon akong ibabalita sa iyo. Siguradong matutuwa ka." naibaba ko ang dala dala kong supot dahil sa kasiyahan kahit na ba hindi ko pa alam kung ano iyon? "Ano pong magandang balita iyan Kuya Kael?" tanong ko. "Meron na akong form sa PMA ito dala ko. Puwede ka ng makapag-aral muli at matupad mo ang mga pangarap mo. Huwag kang mag-alala akong bahala sa kahat ng gastusin mo sa pag-aaral. Kabayaran ko sa mga naitulong mo sa akin noon." inakbayan niya ako. "Talaga po Kuya Kael? Matutuwa po si Lola sa ibabalita ko sa kanya. Huwag po kayong mag-alala at magsisikap po akong makatapos ng pag-aaral ko. Para naman po sulit ang pagpapaaral niyo po sa akin." nakangiting sabi ko. Napakabait na tao nitong si Kuya Kael hulog siya ng langit. Akala ko hindi ko na matutupad ang pangarap kong makapag-aral sa PMA. "Ihatid na kita. Saan ka ba pupunta?" tanong ni Kuya Kael. "Diyan lang po sa kabilang baryo. Pinapadeliver po ni Lola sa parokyano niya itong gulay." "Ganoon ba eh, ihatid na kita para hindi ka na mahirapan sa pagbubuhat niyan. Mukhang malayo pa naman ang kabilang baryo. Tumango na lang ako. "Salamat po Kuya Kael!" nakangiting sabi ko. Nakapag exam na din ako sa PMA at pasado ako. Sinamahan ako ni Kuya Kael sa Baguio City para mamasyal. Reward ko daw iyon dahil pasado ako. Sobrang tuwa ko dahil sa totoo first time kong makarating ng City of Pine. Itinuro niya sa akin ang eskwelahan na pag-aaralan ko. Sobrang mangha ko dahil napakalawak at napakalaking eskwelahan. Nanabik na akong mag-aral sa PMA. Kahit na ba madaming nagsabi na dadaan ka sa butas ng karayom kapag pumasok ka doon. Pagkauwi ng Maynila sa bahay nila Kuya Kael ako namalagi. Sinabi niya kasi sa akin na habang hindi pa ako mag-aaral tutal ilang buwan pa bago ang pasukan. Puwede pa daw akong magtrabaho. Nirefer niya ako sa isang General ng Philippine Air Force. Gusto ko sanang tumanggi pero kailangan ko ng trabaho. Natakot naman kasi ako Heneral iyon ng hubong sandatahan. Baka istrikto o masungit. "Habang wala ka pang klase dito ka muna magwork kila General. Don't worry naikwento na kita sa kanya. Kaya may konting background ka na kay General Ramos." kahit kabado hindi ko pinahalata na kinakabahan ako ng sobra. Nagtravel kami ng ilang oras dahil na din sa sobrang traffic. Huminto ang sasakyan ni Kuya Kael sa isang exclusive village sa Makati. May mataas na gate kaya hindi kita ang nasa loob niyon. May mga guard na nakabantay sa harapan ng gate. Hinanapan kami ng ID. Buti na lamang may ID akong dala. Nag-apply ako ng driver's license para sa student license. Sa katunayan namamasada ako sa Batangas ng tricycle. Kaya kumuha ako. Pagkapasok namin sa loob napahanga ako sa laki at ganda ng bahay. Mayaman ang pamilyang ito. May nakasalubong kaming babae na naka uniporme ng light violet. Bumati ito sa amin. "Nandiyan ba si General Ramos?" tanong ni Kuya Kael sa babae. "Nasa garden po si Sir. Hinihintay na po kayo." tumango si Kuya ako naman ngumiti sa babae na sa tingin ko nasa mid 50's. Palinga linga ako habang naglalakad. Ngayon lang ako nakapasok sa ganito kaganda at kalaking bahay. Walang wala ito sa bahay ng Mayor namin. Good morning General Ramos." sumaludo si Kuya Kael kay General kaya napatuwid ako ng tayo. Halos pigil hininga ako ng sulyapan ako ni General. Bigla akong pinagpawisan dahil sa kaba. tindig palang kasi ni General nakakatakot na. Baka kabugin ako nito ah? Pilit kong iwinawaksi ang ganoon kaisipan. Baka naman mali ako ng sapantaha. " Good morning po General Mariano Ramos" pormal na bati ko. Siyempre kailangan igalang ang nakakataas. Mukha naman mabait ang General. Hindi naman siya mukhang kakain ng tao. Pero kanina naisip ko iyon. Ano ba talaga Andrei? " Oh, ikaw si Andrei Marasigan. Nice meeting you iho" l Tumango ako. " Nice meeting you Sir" sabi ko. Lumapit ako para makipagkamay. "Palagi kang bukambibig nitong si Captain Dela Costa. Magaling ka daw, mapagkakatiwalaan at mabait na bata. Gusto ko yan. Alam ko naman na hindi nagsisinungaling si Captain Dela Costa. He knows how to recognize bad people to good." napangiti si General Ramos. Gusto ko sanang mangamot ng ulo nakakahiya. Masyado naman yatang bilib na bilib sa akin si Kuya. Kaya ganoon na lamang ang tiwala niya sa akin. Pero hindi ko naman siya ipapahiya. Napakalaki ng utang na loob ko sa kanya. Kaya dapat lang na suklian ko iyon ng kabutihan. " Daddy!" may narinig akong boses ng batang babae. Napatingin kami sa dumating. Isang cute na chubby na bata. Kung pagbabasehan mo siya sa isang bagay para siyang bolang tatalbog talbog. Ang taba niya. Lumapit ito sa amin kaya nasilayan ko ang kabuuan nito. Nakaka intimidate naman ang kaputian ng batang ito? Napakaputi niya parang papel sa kaputian. Nakakahiya naman ang kutis kong moreno. Para tuloy kaming kape't gatas kapag pinagtabi. Napakapit ang bata sa braso ng ama. I think nasa 10 years old ang edad ng bata. Maganda ang hugis ng mukha ng bata at napakaganda niya para siyang manika. Naalala ko tuloy yung cartoon na pinapanood ko dati noong bata pa ako-Dragon ball Z. Para kasi siyang si Majin buu bilog na bilog. Ang cute niya sarap pisilin ang pisngi na mamula mula. " By the way she is my daughter Fatima. Siya ang babantayan mo Andrei, ikaw ang magiging personal assistany niya kapag lalabas ang anak ko." sabi ni General sa akin. Tumango ako bilang pagsang-ayon. Napatingin sa akin si Majin buu, napanguso ito habang sinisipat sipat niya ang kabuuan ko. Napangiti ako sa kanya. Isang ngiwi lang ang isinagot niya sa akin at inirapan niya ako. Ang mga mayayaman nga naman kapag nakakakita ng mahirap nagiging masama. Hindi ko na lamang pinansin ang inasta niya. Alam ko naman kapag ganitong mayaman may pagkamaldita. " Makakaasa po kayo General Ramos na gagawin ko ang trabaho at hindi po kayo mabibigo sa akin." sabi ko kay General. Napangiti siya sa akin. " Good aasahan ko iyan Andrei. Alam ko naman mabuti kang bata. Ramdam ko iyon" tinapik ni General ang balikat ko.Napasulyap muli ako kay Majin buu. Lihim akong napangiti iyon na ang tawag ko sa kanya magmula ngayon. Bagay na bagay. Nakatitig siya sa akin na para bang ang guwapo ko sa paningin niya. Nang tumalikod na si General binigyan ko ng isang kindat ang bata. Napabaling sa iba ang tingin nito. Kita ko ang pamumula ng pisngi niyang mataba. She's so beautiful.