SINUBUKAN kong mas intindihin ang naging desisyon ni Sunday Blue. Hindi ako sang-ayon ngunit naisip ko rin na wala akong karapatang sumang-ayon at hindi sumang-ayon. It was her life. Mas alam ni Sunday Blue kung ano ang mas makabubuti sa kanya. Mas alam niya ang mga nadarama niya. Kung hindi na siya masaya sa pagpe-perform, bakit hindi ko siya hahayaang tumigil? Sino ako para tumanggi, para pigilan siya.
Ang sabi ni Alex ay hindi ko alam ang lahat ng bagay. Kailangan kong ganap na tanggapin ang bagay na iyon.
Nahirapan siyempre si Sunday Blue na ipaintindi sa lahat ang kanyang naging desisyon. Hindi makita ng lahat ang dahilan kung bakit nais niyang tumigil kung kailan makinang na makinang pa ang kanyang bituin. Isa siyang malaking kawalan sa music industry, ang sabi ng marami. She was o
