KINAGAT ni Brielle ang ibabang labi ng nasa tapat na siya ng pinto ng kwarto sa cottage na tinutuluyan nilang dalawa ni Apollo. Nag-aalanganin kasi siyang pumasok sa loob dahil sa nangyari kanina noong nasa hapag-kainan sila.
Sa totoo lang ay sinubukan naman ni Brielle ang swerte niya kanina, pagkakataon na din kasi niya iyon ay ayaw naman niya iyong palagpasin. Sayang naman kasi ang pagkakataon.
Inungkat niya ang topic sa pag-o-opera nito para makakita ito. Pero hindi naman niya inaasahan na magiging negatibo ang resulta ng pagsubok niya na hikayatin ito. Mukhang na-badtrip ito sa kanya dahil hindi na nito natapos ang kinakain nito, hindi nga ito nakakapag-umpisa na kumain ay nawalan na ito ng gana. Nag-walk out ito sa kanya. Mukhang ayaw na ayaw nitong pinapaala ang tungkol do'n. Muk
