WALA ring nagawa si Yssa nang hilahin siya ni Jonathan sa study room. Hindi na siya nagreklamo ngunit tiniyak niyang bahagyang nakaawang ang pinto niyon.
“Wala na tayong dapat na pag-usapan pa, Jonathan. Tapos na ang lahat at ikakasal na kayo ni Diane.”
“Iniwan mo ako, Yssa,” sumbat nito. “Basta ka na lang umalis. You’re so unfair.”
“Ako pa ang unfair?” Hindi niya napigil ang magtaas ng boses. “Napakasama mo, Jonathan. Hindi ko alam na kami pa ni Diane ang pinaglalaruan mo. Kung hindi pa ako nagising nang gabing iyon ay wala akong malalaman.”
Kunot ang noo nitong tumitig sa kanya. “Ano ang nalaman mo?”
Sa mabilis na paliwanag ay inulit niya rito ang narinig. Iiling-iling ito.
“I wish na narinig mo rin sana na ikaw ang gusto kong pakasalan.”
“Narinig ko rin, Jonathan. But I’m sorry.
