CHAPTER 29
Tumango si Gelo. Binuhat niya ang bagahe ni Alyana.
Nagbangka sila kahit pa basa na sila ng ulan.
Nagtago na muna si Alyana at si Gelo na lang ang pumunta sa bahay ng Tiyo niya pagkatapos niyang malaman kay Sinong na na kina Tiyo niya ang kanyang mga kapatid. Kumuha na siya ng kanyang mga damit at ang contact number at address ni Zanjo na tinulungan niya noon. Alam niyang kung magkagipitan, pwede niyang lapitan ang taong ito na nangako ng kahit anong tulong sa kanya dahil sa pagliligtas niya kay Zanjo noon.
Natuwa ang kanyang mga kapatid nang makita siya. Niyakap pa siya ni Angie na hindi naman nito dating ginagawa. Hindi nagsalita ang kanyang Tiyo. Iniwan din sila nang hiniling niyang hayaan lang siyang kausapin na muna ang kanyang mga kapatid.
“Uuwi na ba tayo, Kuya? Iuuw
