"Boss! Napasok tayo!" malakas na sigaw ng isa sa mga tauhan ni Connor. Naalarma ang dalawang lider sa narinig kaya mabilis na isinara ang kani-kanilang mga bitbit na briefcase.
"At sinong lapastangan ang may lakas ng loob na sirain ang ating mga plano?!" gigil na tanong nito sabay ang mabilis na pagbunot sa nakasukbit niyang baril.
"Mga tauhan ni Jackson ang nariyan sa paligid, boss!" tugon ng lalaking tagamasid.
Nangunot ang noo ni Connor sa narinig.
"Pati ba naman ako'y kakalabanin nang nag-uulyanin na matandang 'yon? Maghanda kayo, lalaban tayo!" sigaw nito.
Hindi pa man nakakaporma'y sunod-sunod na putok na ng baril ang pumailanglang sa paligid. Ang mga tauhan ni Connor ay isa-isang nalalagas.
"Sakto lang ang sugod ng mga tanga," tagilid ang ngising wika ni Axel Teodoro sa kaniy
