Ang nakakabinging tugtog na animo'y tawa ng demonyo ay unti-unting napalitan ng mahimig na musika. Tradisyon sa haciendang ito tuwing may handaan ang pagkakaroon ng "baile/ ball", kung saan pwedeng isayaw ng isang lalaki ang natitipuhan nitong babae. Ito ang hinihintay ng lahat, gayong napakaromantiko nito kung saan naroon sa gitna ng sayawan ang magkaparehang pareho ang nararamdaman para sa isa't isa.
"A-anong gagawin ko sa kamay mo, Senyorito?" gulat at may kalituhan kong pag-uusisa nang makita ko ang pag-angat niya ng kaniyang kamay at ito ay nakalahad na sa akin.
"Gusto kitang isayaw, Sabio. Mapagbigyan mo ba ako?"
"Pe-pero, Senyorito..." puno ng pag-aalangan kong tugon
"Ni minsan ay hindi ako sumayaw. Hindi ako marunong, Senyorito,"
"Kung gano'n ibig bang sabihin na ako ang pinak
