Kabanata 71
Nakaposisyon na nga kaming lima.
“Ihanda niyo na ang gagawin ninyong dalawa, Kith at Hamina. Sa gitna niyo lang iparaan ang pana na may apoy, para makita talaga nila at makita rin natin kung may mga bitag ba.” Kaagad na kumilos ang dalawa, kumuha na ng pana niya na palaging nakalikod si Kith, habang si Hamina naman ay naghihintay lang na matapos si Kith sa kanyang paglalagay ng pana. Ako naman sa posisyon ko ay panay lang masid sa paligid, hindi ako lumilingon, tanging ang mga mata ko lang ang pinapaikot ko sa buong paligid.
Nang wala naman akong napapansin na kakaiba. Saka sakto ring tapos nang ilagay ni Kith ang pana niya, itong si Hamina naman ay walang paligoy-ligoy at agad na sinindihan ang dulo ng palaso gamit ang kanyang lazer sa
