Glendy's POV
“Anak, ingat ka sa Maynila, alam mo namang wala kang kakilala doon,” sabi ng aking ina.
"Opo, nay. Sana swertehin po ako doon. ‘Wag po kayong mag-alala, dahil magpapadala kaagad ako ng pera kapag nakuha ko na ang unang sweldo ko," turan ko sa kanya.
Dahil sa kahirapan ng buhay sa probinsya, kailangan kong makipagsapalaran sa lungsod ng Maynila, upang matulungan ang aking ina na suportahan ang anim kong nakababatang kapatid.
"Maria, sigurado ka bang madali tayong makakahanap ng trabaho doon?" tanong ko sa aking kaibigan na nagyaya sa akin na makipagsapalaran sa magulong lungsod ng Maynila. Kasalukuyan kaming nakasakay ng malaking barko na galing Cebu.
"Oo, sigurado ako, dahil malaki ang Maynila," sagot niya.
Pareho kaming dalawa na wala pang karanasan sa Maynila, pero kai
