Chapter 46
Malia Shanaya Torres
KINAKABAHAN ako habang nakaupo sa malambot na sofa sa harap ni Mrs. Zariyah Medrano. Tahimik ang paligid, tanging mahinang tunog ng wall clock lang ang maririnig.
Siya, kalmado lang. Nakaupo nang tuwid, maayos ang postura, at ang mga daliri niya'y marahang nakapatong sa tasa ng kape. Ako naman, halos hindi mapakali, ang mga kamay ko'y pinagdidikit ko sa hita ko para lang hindi nila ipakita kung gaano ako nanginginig.
"Malia," mahinahon niyang simula, pero bawat salita niya ay parang tinik sa lalamunan ko, "I just want to understand something. Who are you to my son?"
Parang humigpit ang hangin sa dibdib ko. Hindi ko alam kung paano sasagot. Napayuko ako at pinilit kong ngumiti, pero ramdam kong nanginginig 'yung labi ko.
"I'm...just his assistant, ma'am
