Chapter 12
Malia Shanaya Torres
SIGURO nakaramdam si Zaldy sa tensiyon sa pagitan namin ni Doc. Kaya bigla na lang niyang tinapos ang laro, pilit na binawi sa tawa at kantiyawan para hindi halata ang bigat ng hangin sa paligid. Ako naman, hindi na nag-aksaya ng oras. Tumayo ako at agad lumayo. Hindi ko na kaya makisabay sa mga kwento nila, lalo na't parang mas lalo lang akong nalulunod sa hiya habang nakikinig.
Doon ko lang narinig na si Martin pala ay abogado, at hindi lang siya, buong pamilya niya pala. Galing sa lahi ng puro abogado. Si Zaldy naman, pulis at personal bodyguard ni Doc.
Napatingin ako sa kanila mula sa malayo. Lahat sila may pangalan, may pinanghahawakan, may propesyong puwede nilang ipagmalaki. Ako lang ang wala. Ako lang ang walang natapos. Para akong wala sa leve
