الفصل الاخير
روني محمد
(اللهم لك الحمد حتى ترضى ولك الحمد إذا رضيت ولك الحمد بعد الرضا)
في مكتب اللوا سعد
اللوا سعد : النهاردة انا هكلفكم بمهمة جديدة...
حازم : يادي النيلة هو مفيش غيرنا فالقطاع كله ، ماتشوف حد تاني اشتغل معاه او ممكن اشتغل لوحدي...
هند : بص يا باشا انا اصلا اتخنقت منك و من الشغل معاك كنت بعصر علي نفسي لمونه بس خلاص شوال اللمون خلص....
حازم : انتي تطولي.. دا انتي من يوم ما اشتغلتي معايا وانتي بتنجحي علي قفايا ومش بعيدة يرقوكي بسببي. .
هند : بسببك ليه ان شاء الله هو انا كنت بعد ازار لب.... منا كنت بشتغل زي زيك...
حازم : بصي من الاخر كده شوفيلك حد تاني يشتغل معاكي...
اللوا سعد : بااااااس كلمة كمان وهطلع مسدسي واموتكم انتم الاتنين وابقوا اتعاركوا في الاخرة براحتكم...
هند : انت مش شايف يا فندم بيقول ايه!!!
حازم : انا بردو الي بقول ولا انتي الي هبيتي في وشي
