اللهم لك الحمد كما ينبغى لجلال وجهك وعظيم سلطانك ..
الحلقة الي فاتت خلصت لما حازم طلع شقة مؤنس بس ملقاش حاجة وكان خلاص راجع ونازل الا انه اتفاجأ بصوت وراه بيقول
-: انت بتعمل ايه هنا ودخلت الشقة ازاي ؟
لف وبص لقاها هند الي ضحكت اول ما لقيته اتخض..
حازم : الله يخربيتك يا شيخة نشفتي دمي الله ينشف دمك...
هند : هههههههه انت اتاخرت كده ليه كل ده قاعد عندك بتعمل ايه ؟
حازم : وانتي ايه الي مطلعك دلوقتي اتنيلي انزلي تحت الا نلاقي مؤنس داخل علينا... وتبقى مصيبة ..
هند : طب يا عم متزوقش الحق عليه اني قلقت عليك وقلت الع***ة تكون قفشتك ولا حاجة وانت ممسوك رهينة فقلت اجي انقذك...
حازم : ايه الفيلم العربي ده... وبعدين انتي الي هتنقذيني ليه.... ده أنا عندي أموت أهون عليه من أنك تنقذيني ...
هند : تصدق اني غلطانة.. بقالك اكتر من ساعة و اتصلت عليك اشوفك عملت ايه مش بترد فكرت جرالك حاجة ....
حاز
