Alhena Bernabe
Ilang oras pa kaming nanatili sa labas maliban kina Lola at Gavin dahil nauna na ang mga itong pumasok dahil lumalalim na rin ang gabi. Marami pa kaming pinag-usapan na mga bagay-bagay sa kubo hanggang sa maya-maya lang din ay nagpasya na rin kaming magsipasok sa aming mga bahay. Pagpasok namin ni Gael sa aming bahay ay dumeritso na agad kami sa taas para makapagpahinga na.
“Love pwede bang tabi tayong matulog ngayong gabi?” tanong pa nito sa akin nang makaakyat na kami.
“Sa kwarto tayo ni Gavin matutulog, Gael kaya malamang magkakatabi talaga tayong matulog,” paalalang tugon ko naman agad sa kanya, ngunit agad itong sumimangot.
“Gusto ko sana sa kwarto mo tayo matutulog, gusto ko kasi sanang pag-usapan ang tungkol sa magiging kasal natin,” nakangusong paliwanag pa ni
