“Nasaan ang boss niyo?” tanong ko kina Isko at Buboy na nasa bungad lang shop at abala sa pag-aayos ng isang sasakyan. Pasipat-sipat naman akon ng tingin sa loob ng talyer kung makikita ko si Zakarias.
“Manang, pinasasabi ni boss na wala siya rito,” sagot ni Isko sabay ng paghampas ni Buboy sa kanyang braso.
“Huy! Bakit sinabi mong pinasasabi ni boss na wala siya rito? Ang tanga mo namam, Isko! Wala rito pero pinasasabi niya. Malalagot tayong dalawa diyang sa sagot mo e!” sermon ni Buboy sa kaibigan.
“Ay! Oonga, ano?!” tila naman nahimasmasan si Isko sa kung anong sagot niya sa akin kaya naman piningot ko ng sabay ang magkabila nilang mga tainga.
“Ako bang dalawa ay pinagloloko niyo?” naiinis kong tanong.
“Aray! Manang!” reklamo nilang dalawa habang hawak na ang mga tainga na piningot
