“Anton, nakapag desisyon na kasi talaga ako na makipagsapalaran ulit sa ibang bansa.”
Nakita ko sa mga mata ni Anton ang pagkabigla at lungkot ng marinig ang sinabi ko sa kanya.
Dumalaw siya ngayong araw dala na naman kung anu-anonh mga pasalubong galing sa mga lugar na kanilang pinasyalan ng kanyang buong pamilya.
“Ganun ba, Jo? Kung ganun ay ang ibig sabihin ba nito ay binabasted mo ako?” alanganin niyang tanong ngunit bahagyang nakangiti.
Binabasted?
Bakit parang hindi na yata bagay ang ganun tamang salita dahil sa edad naming dalawa.
“Kung ganun ang hatid sayo ay ganun na nga. Pasensya ka na, ha. Pasensya ka na kung pagkatapos ng lahat ay hindi pa rin magiging tayo. Nagu-guilty nga ko sa totoo lang. Dapat talaga ay hindi ako pumayag na magpaligaw sayo mula pa lang ng umpisa. Hind
