Biglang naninikip ang dibdib ko nang marinig ko ang sinabi niya. Mahina at parang nahihirapan kasi siyang bigkasin iyon. Lalo na't naramdaman ko ang mainit niyang katawan na yumapos sa akin. Nakakapanghina. Parang matutumba na ako anumang sandali.
Pero hindi. Hindi dapat ako nagpadala sa matatamis niyang salita. Lalo na sa pangyayakap niya na matagal ko nang inaasam. Pakiramdam ko lang 'yon at hindi naman kanya. Isa pa, kinabahan rin ako at baka makita kami ni mama. Nakakahiya!
Ang tigas talaga ng kanyang mukha. Sinabing huwag ng pumunta, pumunta pa rin talaga. Hindi man lang nahiya kay mama na makita niya kaming naglalampungan dito sa labas. Ano na lang sasabihin ni mama sa akin kapag nalaman niya ito? Baka may marites pang na-shock sa labas kapag nakita kami. Buti na lang ay nakasarado
