Gulat at puno ng pagtataka ang naging reaksyon ko nang makitang siya ang humablot sa akin papunta sa may likuran ng school. Pero gano'n pa man, hindi ako nagpahalata. Binitawan niya agad ang braso ko nang sa tingin niya ay wala ng makakita sa amin.
Sambakol ang mukha ko nang tumingin sa kanya. Kumalabog bigla ang dibdib ko nang tumutok siya sa akin.
Oo, namimiss ko na siya. Sobra. Miss na miss. Parang gusto ko na ngang sumuko at isa pang pagkakataon ang ibibigay ko sana sa kahibangan ko sa kanya pero todo ang pagpipigil ko sa aking sarili.
Nasasaktan na rin ako sa mga pag-iwas ko sa kanya pero tinitiis ko dahil iyon ang dapat kong gawin. At ayoko na talagang umulit pa. Tama na iyon. Ayoko nang ibaba at ipagpipilitan pa ang sarili ko sa kanya. Ayos naman dahil nagawa ko na. Napigilan ko
