"Kaunti o marami, alak pa rin 'yun at bawal ka pang uminom dahil wala ka pa sa legal age."
Mahina pero sobrang tigas ng pagkakasabi niya sa akin. Kitang-kita ko rin ang talim ng mga mata niyang tumitig sa akin. Totoo ba talaga ito? Nagagalit siya sa akin dahil umiinom ako? Pinapansin niya ako kahit wala si Bes? Ibig bang sabihin nito… may pag-asa ako sa kanya? May gusto ba siya sa akin o kaya ganito siya dahil magkaibigan kami ng gusto niyang babae? Ang sakit naman kapag iyon nga ang dahilan niya kung bakit niya ako nilingon ngayon.
Magkahalong saya at lungkot nang maisip ko iyon. Pero gayunpaman, gusto ko pa rin magpatuloy ngayon. Promise, last na talaga ito. Kapag snob niya pa rin ako bukas, titigil na talaga ako sa kanya. Hindi baleng masaktan ako at least, gumawa ako ng paraan para
