[CHAPTER 53]
◌●◌
MAKIKITA ANG matinding pag-aalala sa mga mata ng isang miyembro ng Bilancia nang makarating ang mga ito sa lugar na pinangyarihan ng insidente. Nasa paligid lamang ang mga iyon dahil binabantayan si Diezel. Kahit na nakikita na ng mga ito ang nangyayari, hindi makikialam kung hindi nila tatawagin at manghihingi ng tulong. Kasama iyon sa mga protocol ng Bilancia. Kaya wala ng ibang mapagpilian si Ace nang mga sandaling iyon kung hindi manghingi ng back up. Hindi niya man nakikita ngunit sigurado siya na nagkalat ngayon sa kung saan-saang bahagi ang mga kalaban. Panigurado ring matagal na silang pinamanmanan. Nang makakuha ang mga ito ng pagkakataon, hindi na iyon pinalagpas.
Maayos pa kanina ang lahat habang nagmamaneho siya. Wala ring nakitang kahit na anong amba ng
