[CHAPTER 52]
◌●◌
TAHIMIK ANG paligid. Mararamdaman ang malamig na simoy ng hangin. Nanunuot iyon sa balat ni Chaos ngunit patuloy niyang ipinagsasawalang-bahala. Kitang-kita niya ang halos kabuuan ng lugar sa kinalalagyan—ang abalang siyudad, mga puno, bundok, at ibon.
Muli niyang nilagok ang iniinom na beer. Habang tumataas-baba ang adam’s apple ng binata ay malalim naman ang laman ng isipan niya. Dati-rati, kasama niyang pumupunta sila Eros sa abandunadong gusali. Ngunit ngayon mag-isa na lamang siya. Laging pagsikat ng araw ang pinapanood nila ngunit ngayon ay ang paglubog naman ang pinapanood niya.
Matanda na siya. Dapat alam niya na ang dapat gawin ngayong nalaman ang totoong dahilan ng mga bangungot na pilit niyang tinatakbuhan. Ngunit may katotohanan sa katagang; ang anak, k
